Құрметті әріптестер!

Акмола облысы білім басқармасының «Акмола білім беру саласындағы жаңа технологиялар аймақтық орталығы» КММ атынан Сіздерді Жаңа жыл мерекесімен шын жүректен құттықтаймын!
Өтіп бара жатқан жыл білім беру, цифрландыру және оқу процесін жаңғырту салаларында маңызды кезең болды. Қазақстан Республикасы Президентінің «Әділетті Қазақстан: бәріміз және әрқайсымыз үшін. Қазір және әрдайым» сайлауалды бағдарламасын іске асыру аясында білім сапасы мен қолжетімділігін арттыруға бағытталған ауқымды жұмыстар атқарылды.
Жол картасының 82-тармағын орындау шеңберінде білім беру ұйымдарында оқу материалдарына лезде қол жеткізуді, мектеп ғимаратына кіруді қамтамасыз ететін және тамақтану төлемін жүзеге асыратын аппараттық-бағдарламалық кешендер орнатылды. Бұл жүйе білім беру ұйымдарындағы жайлылық пен қауіпсіздікті арттыруға, сондай-ақ оқу процесіне қатысушылар үшін заманауи және ашық жағдайлар жасауға бағытталған.
Сонымен қатар, мектептерді интерактивті панельдермен жабдықтау бойынша ауқымды жұмыс жүргізілді. Бұл оқу процесін қызықты, көрнекі және тиімді етуге мүмкіндік берді. Облыс мектептеріндегі педагогикалық тәжірибені жақсарту, материалдық-техникалық базаны нығайту және цифрлық ресурстарға қолжетімділікті арттыру мақсатында компьютерлік жабдықтар сатып алынып, олардың көмегімен оқыту мен педагогтардың жұмыс сапасы жақсартылды.
Өтіп бара жатқан жылдың ең маңызды жетістіктерінің бірі – шалғайдағы және ауылдық мектептерді жоғары жылдамдықты интернетпен қамтамасыз еткен Starlink спутниктік жабдығының орнатылуы. Бұл сапалы білімге қолжетімділік бойынша алшақтықты жоюға мүмкіндік беріп, барлық оқушылар үшін тең мүмкіндіктер жасады.
Жаңа жыл – бұл әрдайым жаңа үміттер, батыл жоспарлар және биік мақсаттар уақыты. 2025 жыл инновациялық жобаларды сәтті жүзеге асыру, озық технологияларды енгізу және білім беру саласындағы жаңа жетістіктер жылы болсын. Сіздерге сарқылмас шабыт, күш-қуат, шығармашылық идеялар және кәсіби жеңістер тілеймін!
Әсіресе, цифрландыру бойынша әдіскерлерге, педагогтарға ерекше алғысымды білдіремін. Олар өздерінің күнделікті еңбегімен, ісіне адалдығымен және жаңашылдыққа ұмтылысымен білім беру жүйесінің дамуына зор үлес қосуда. Сіздердің еңбектеріңіз – прогресс пен табыстың кепілі, жаңа жетістіктерге шабыт береді.
Келе жатқан жыл сіздерге жұмыстан қуаныш, әріптестердің қолдауы, оқушылар мен ата-аналардың алғысын әкелсін. Үйлеріңізде әрдайым жылу, жайлылық, бақыт және береке орнасын!
Жаңа жыл құтты болсын! Ол әрқайсымыз үшін жарқын идеялар, табысты жобалар және үлкен жеңістер жылы болсын!

Құрметпен,
Акмола облысы білім басқармасының
«Ақмола аймақтық білім берудегі жаңа технологиялар орталығы» КММ директоры
Б.Қадыров