робототехника бойынша «Robotek Grand Tournament» чемпионаты

2023 жылдың 27 қаңтарында «Болашақ сарайы» базасында робототехника бойынша «Robotek Grand Tournament» облыстық чемпионаты өтті. Чемпионаттың мақсаты роботтарды жобалау және бағдарламалау, инженерлік ғылымдар, бағдарламалау және басқа да инновациялық білім беру технологиялары саласындағы дарынды оқушыларды анықтау және қолдау. Чемпионатты ұйымдастырушылар «Ақмола облысының білім басқармасы» ММ, Ақмола облысының білім басқармасының «Ақмола өңірлік білім берудегі жаңа технологиялар орталығы»  КММ және Ақмола облысының басқармасы жанындағы «Ақмола дарыны» дарынды балалар мен дарынды жастарды анықтау және қолдау орталығы» КММ болып табылады.

Биыл байқауға Ақмола облысының аудандары мен қалаларынан 69 команда қатысты.

Байқау 7 санат бойынша жарыс түрінде өтті: «Робо-сумо» , «Эстафета» , «сызық бойынша жарыс», «Кегельринг-квадро», «Биатлон» кіші санат, «Биатлон» аға санат, «Лабиринт».

Жеребе тастағаннан кейін қатысушылар жарысқа кірісті, онда роботтарды құрастыру және бағдарламалау дағдыларын көрсетті. Барлық 7 санаттағы әрбір жарыс өзінше ерекше және қызықты болды, сондықтан төрешілерге талантты қатысушыларды бағалау оңай болмады.

«Robotek Grand Tournament» робототехника бойынша облыстық чемпионаттың бірінші орын алған жеңімпаздары «Robotek grand Tournament» робототехника бойынша республикалық чемпионатқа қатысады.

Чемпионат қорытындысы бойынша жеңімпаздар анықталды:

- I дәрежелі дипломдармен, алтын медальдармен, командалық кубоктармен және 20 000 теңгеге командалық ақшалай сертификаттармен-7 команда марапатталды.

- 2 орын алған 14 команда II дәрежелі дипломдармен, күміс медальдармен және 15 000 теңгеге командалық ақшалай сертификаттармен марапатталды.

- 3 орын алған 20 команда III дәрежелі дипломдармен, қола медальдармен және 10 000 теңгеге командалық ақшалай сертификаттармен марапатталды.

Бірінші орын алған жеңімпаздар "Robotek Grand Tournament" робототехника чемпионатының республикалық кезеңінде облыс намысын қорғайды.