Ақмола облысында цифрландыру мәселелері бойынша семинар-кеңес өткізілді

Ақмола облысының білім беру жүйесінде ақпараттық-коммуникациялық инфрақұрылымды жаңғыртуды, ақпараттық жүйелерді, цифрлық білім беру контентін енгізуді, мемлекеттік қызметтерді автоматтандыруды қамтитын цифрлық технологияларды пайдалану есебінен білім беру процесін жақсартуға бағытталған іс-шаралар іске асырылуда.

Ақмола аймақтық білім берудегі жаңа технологиялар орталығының 2024 жылға арналған жұмыс жоспарына сәйкес 14 ақпанда Қосшы қаласында «Ақмола облысының білім беру жүйесін цифрландыру» семинар-кеңесі өткізілді.

Семинар-кеңеске аудандарды/қалаларды цифрландыру мәселелеріне жетекшілік ететін әдіскерлер, үйлестірушілер қатысты.

Кеңес барысында орталық директоры Б. Қадыров облыста «Қазақстан Республикасы Президентінің «Әділетті Қазақстан: бәріміз және әрқайсымыз үшін. Қазір және әрдайым» сайлауалды бағдарламасын іске асыру жөніндегі іс – қимыл жоспарының «Пәндерді оқытудың инновациялық тәсілдерін енгізу, қажетті оқулықтарды цифрлық форматқа көшіру» 81-тармағын және «Оқу материалдарына лезде қол жеткізуді, мектеп ғимаратына кіруді қамтамасыз ететін және тамақтану үшін төлем құралы болып табылатын оқушыларға арналған сәйкестендіру карточкалары жүйесін іске қосу» 82 -тармағын  іске асыру туралы айтып берді.

Облыс мектептерінде интернет жылдамдығын арттыру, мектепішілік жергілікті желілерді құру, интерактивті жабдықтармен жарақтандыру, аппараттық - бағдарламалық кешен құру және оқу материалдарына лезде қол жеткізу үшін білім беру платформаларымен карточкаларды интеграциялау бойынша жұмыстар жүргізілуде.

Педагогикалық практиканы жақсарту, материалдық-техникалық базаны және цифрлық ресурстардың қолжетімділігін жетілдіру және педагогтар үшін озық тәжірибені трансляциялау бойынша табысты жұмыс үшін 2024 жылы облыстың 240 мектебін интерактивті жабдықтармен жарақтандыру жоспарлануда

Ағымдағы жылы қауіпсіздіктің 2-3 санатына жататын облыстың 161-ші мектебінде Қазақстан Республикасы Оқу-ағарту министрінің 2023 жылғы 6 қазандағы №306 бұйрығына сәйкес цифрлық білім беру ресурстарымен аппараттық - бағдарламалық кешенді интеграциялау, мектеп асханасында тамақтануды есепке алу және төлеу және басқа да сервистермен жұмыстар жүргізілуде.

2023 жылы Көкшетау қаласының Мәлік Ғабдуллин атындағы № 3 көпсалалы гимназиясында тапсырмаға қол жеткізуді, асханада жанасусыз ақы төлеуді, оқу материалдарына қол жеткізуді қамтамасыз ететін алақан тамырлары бойынша биометрия бойынша 1073 оқушыны қамтитын пилоттық жоба іске асырылды.

Бүгінгі таңда  пилоттық жобада Қосшы қаласының «№ 3 жалпы білім беретін мектеп"»КММ оқушылардың сәйкестендіру карточкаларын интеграциялау бойынша жұмыстар жүргізілуде.

Білім беру ұйымдарының барлық кабинеттері ақпараттық жүйелерде және білім беру платформаларында мұғалімдердің табысты жұмыс істеуі үшін интернет желісіне қолжетімділігі бар компьютерлік техникамен жабдықталуы тиіс.

Осыған байланысты аудандардың/қалалардың білім бөлімдері барлық әкімшілік және оқу ғимараттарында жергілікті және сымсыз желілерді орнату бойынша жұмыс жүргізуде.

Семинар - кеңестің соңында жоғарыда аталған мәселелерді орындау міндеттері мен мерзімдері қойылды.